Maavitha a vorithi kuma Embu nimaracarania na mutwarithia umwe wa vikiviki uria arekuirwa gukorwa anyitite mwiritu wa Form One kiavinya. Kurerikana mwiritu ucio wa miaka 16 arathiite cukuru riria acemanirie na mwikuirwa na anyitwa kiavinya.
Munini wa kamanda wa vorithi kuma Embu West Samuel Gitau augite arimu a cukuru wa County Secondary nio mandikithirie rivoti io stationiri ya vorithi ya Itabua na kuga mwiritu ucio anyitirwe kiavinya mathaari ma kirauko athiite cukuru.
Gitau augite mwiritu ucio niuviritwe thivitari niguo kwamukira urigitani. Mwendia wa ngathiti nike utethererie mwiritu ucio gukinya cukuru vuva wa kumumenya mathaari ma 6AM vakuvi na Karurina, Muthatari junction countiri ya Embu.
