Mungano wa urumwe wa mavururi wigii ugima wa mwiri World Health Organization (WHO) ugite niurathunthuria njanjo ya murimu wa Covid 19 ya AstraZeneca vuva wa mavururi mamwe kurungamia muvango wa kuvecana njanjo ino.
Maavitha a ugima wa mwiri mavururi ma Denmark, Norway, Iceland nimarungamitie uvecani wa njanjo ino gukirikana njanjo ino niiracangirira gukwira nthakame (blood clot) kuri andu amwe aria mavetwe njanjo ino.
Kwirikanite njanjo ino nwaithii nambere gutumirwa riria mungano ucio urathii nambere kuroria makiria njanjo ino.
Njanjo ya Astrazenca niyo ikoretwe igitumika muno thiini wa gicunji kia mbere gia kuvecana njanjo muuvangori wa Covax uria uri na itanya ria gutigirira njanjo dose billion igiri niciavecanwa mwaka uyu na gutigirira mavururi maria matari matongu nimaragia njanjo ino.
