Mwanake umwe kuma countiri ya Embu niwambiriritie mutaratara wa gucaria mbeca na itanya ria gwaka mucii wa kuvonokia mbeu mbithi aria meingiritie ndawari cia ndugugio.
Gitonga Kagwithi wa mungano wa Restore African Souls Centre augite vatiri nganja ndawa cia ndugugio niciingirite maturari na njira nene guku akiuga mari na itanya ria gwaka mucii ucio mwena wa Cianyi, Mbeere North.
Augite gitumi gia gwaka mucii uyu mwena ucio, ni gukorwa ndawa icio ciingivirite miena ino nakuga matanya mao ni gwaka mucii ungikorwa na andu 100. Mucemanio wa kwanirira itanya riu, wikikirite mukawari umwe tauniri ya Embu.
Gitonga niuritie andu a wendi mwega gutethereria uria mangivota niguo gukinyaniria muvango uyu.
Kavindari wa kau, amemba a gikundi kia Restore African Souls Centre nimauritie thirikari kwambiriria mitaratara ya kuvonokia mwana wa kamwanake na uria uroneka atiganiritwe makiria kavindari gaka.
