Maavithaa a vorithi mwena wa Buruburu nimarathuthuria giiko gia kutharikirwa gwa ciana igiri ni muruti wira wa nyomba muciiri kwao Nairobi.
Mwana umwe nwa ukoomete thivitariri kuria atanyitwe kwamukira urigiti makiria vuva wa ntharikiro iria irekikire aramisi ya kiumia giki.
Mukwa wa mbica niutambite ukionania mundu maturaniritie na andu a mucii uyu akiuria maavithaa a vorithi gwikia ngono muruti wira uyu niundu wa kutharikira ciana.
Kwirikanite muruti uyu wa wira akoretwe akirutira wira mucii uyu vandu va miaka iiri mivituku.
Ngero ino irivotetwe gituori kia vorithi kia Savanna varia maavithaa a uthuthuria wa wikinai kuma Buruburu maambiriritie uthuthuria.
