Akenya nimacukumwa kuriva mbeca nyiingi makiria ituori cia maguta ma Petrol, Diesel na maria ma taa vuva wa thogora wa maguta mama kwambatira.
Thiini wa rivoti iria irekereretwe ni ruvonge rwa kuroria mbei ya maguta niruo Energy and Petroleum Regulatory Authority (EPRA), mbei ya maguta ma Petrol yambatite na ciringi 7.63, Diesel yambata na ciringi 5.75 namo maguta ma taa mathii iguru na ciringi 5.41 vari litre.
Kuvetukira wongerereku uyu, maguta ma Petrol makendagua ciringi 123.91, Diesel ciringi 108.77 namo maguta ma taa makiendua ciringi 98.95 vari wa lita imwe guku Embu. Keruguya, Petrol ikendagua ciringi 123.83, Diesel ciringi 108.68 namo maguta ma taa ciringi 98.87.
Maguta mama nimathii na mbere kugurwa na mbei ino nginyagia tariki 14 mweri wa kana mwaka uyu, riria EPRA ikaruta mbei ciingi njeru cia maguta. Kwambatira kwa thogora wa maguta ni takuga indo ciingi iria itumagirwa ni akenya, igakorwa wanacio ikiambatiria mbei.
-Muriithi Triple M
