Vuva wa mututhuko wa homa ya Corona vururiri wa Kenya mweri wa kathatu mwaka muthiru, mbiacara nyiingi ikoretwe ikivetukira mathina mengi na imwe ikavingwa kaimana.
Atongoria a Raa Elites Sacco iria iri mwena wa Runyenjes Embu, maugite nimavutitwe na njira nene ni mututhuko wa murimu ucio kwona ati amemba engi aria mocete mikovo matikoretwe makiriva uria mavatii.
Matongoretwe ni mwikariri giti wa Sacco iyo John Nyaga, maugite nimaukite na njira ciingi cia gutigirira amemba nimavota kuriva mikovo io gutari gukanyirirwa.
Kavindari wa kau Nyaga niuritie thirikari na miungano iria ingi kuthoma kumana na mututhuko wa murimu ucio na kuthondeka mivango mikinyaniru iria ingimatethagia kuthii na mbere kwirugamia kungikorwa na undu ta ucio ndeto inyititwe mbaru ni Erick Macharia uria ni murungamiriri wa kigina Saccori iyo.
Mwenari wake, Jackline Wawira uria urugamiririte maundu makonii wonjoria wa Sacco iyo augite nimathundurite mitaratara ngurani ya gutigirira onjoria aria mavutirue na njira nene ni mututhuko wa murimu ucio nimerugamia ringi.
-Kamuthenya Junior
