Andu 4 aria marerikana gukorwa maranyamaragia aturi a Kararitiri, mwena wa Mugui Embu East nimauragitwe na njira ya kuvivua utuku wa kuramukira umunthi.
Ana acio merikanite gukorwa mari amwe a gikundi kia andu 10 aria marathiite kuthithuka muciiri kwa Director wa KTDA Alex Njeru riria maranyitirwe mbere ya kuragwa.
Ndeto makiria ciugite vuva wa kumenya kuri na mikora, andu a mucii ucio maraugire mbu makivoya utethio kuma kuri aturi aria marekinyirie nevenya.
Ekuirwa acio marakorirwe methithite mugundari wa manjani kuria maranyitirwe na kuvungwa mavuri ni aturi mbere yao kuvivua.
Ndeto ino niikiritwe kirore ni munini wa civu mwena ucio Veronica Karimi, uria uritie mwingi gutiga gwocaga watho njarari ciao.
Karimi ongererete na kuga, mwiki nai anyitwa avatii kurenganirwa njarari cia maavitha a ugitiri niguo gwocerwa makinyo maria magiririte ma watho.
Mbere ya kumenyekana, mikora iyo irakoretwe yuragite icicio cia ndirica cia nyomba ya avithaa ucio wa KTDA na gutemanga mavati magicaria gwa gutonyerera.
