Mutaramu wa maundu ma kithomo kuma Embu County nike Kithinji Kiragu niutarite aciari, arimu na maavithaa a thirikari kunyitanira niguo kuvurana na wongerereku wa utumiri wa ndawa cia ndugugio gatagatiri ka mbeu mbithi.
Kiragu augite wa mundu ari na itemi riria avatii kunyita niguo kuthiria utumiri wa ndawa ino kaimana. Akiaria na kameme ga Kimuri FM, mutaramu uyu wa maundu ma kithomo augite arutwa a irathi itiganite makoretwe makiingiria utumiriri uyu wa ndawa iria itarimbitikirie.
Kithinji atarite thirikari gutumira macivu na anini ao kumenya kuria wendia na uguri wa ndawa ino wikikagira guku akiuga macivu aria makagonderera wirari uyu wa kuvurana na ndawa cia ndugugio mavatii gwocerwa makinyo maviu ma watho na gutigithua wira.
Kavindari wa kau, Kithinji niuritie thirikari na kanitha kurutithania wira vamwe niguo gutigirira macukuru monthe nimakorwa na atarani aria mangitethia athomi kumenya maundu ma Ukristu. Wavo, mutaramu uyu niuritie thirikari gucokia cukuru cia kurunga mitugo ya ciana na iria ciicikene muno ta cukuru cia wamumu.
-Kamuthenya Junior
