Vorithi vururiri wa Tanzania nimaikitie ngono andu 4 aria marakuruvanua na gutambia ndeto ci mivuvu ciigi ndwari ya rais wa vurururi uyu nike John Pombe Magufuli.
Mutongoria uyu wa vururi wa Tanzania,ndakoretwe akionekana mbeere ya mwingi gwa kavinda ka ciumia igiri nthiru; na ndumiriri ikoretwe igitambua ati mutongoria uyu niurwarite murimu wa COVID-19.
Kunari uguo minista munene wa vururiri uyu nike Kassim Majaliwa niureganite na rivoti ino na kuga Magufuli ari na ugima mwega wa mwiri.
Mithenya minini mithiru mutongoria wa kiama kia uregani vururiri uyu Tundu Lissu nike warutire ndumiriri ya kuruara kwa rais uyu na kuga akomete thivitariri imwe guku vururiri wa kenya akirigitwa murimu wa COVID-19.
Nginya kavinda gaka atongoria aa vururi uyu na arata a vakuvi aa rais Magufuli matongoretwe ni munini wa rais Samia Suluhu Hassan nimakanyiritie ati rais uyu ari na ugima mwaro wa mwiri.
-Mbica irutitwe CNN
