Onjoria na atwarithia a ngari cia ukui wa mwingi (matatu) mwena wa Mbuvori, Nginda Ward, Embu ya iguru nimauritie thirikari kuvetukira atongoria ao kumathondekera stage varia mangirutagira wira wao meganirite.
Maugite gwa kavinda karaca makoretwe makirutira wira wao varavarari undu wigaga miturire yao mvatikari. Kuringana nao, makumi ma aruti wira ao na atwarithia a vikiviki nimonerete mitino mari wirari wao guku makiuga mavatii kurumbuuwa nevenya ta uria kwavoteka niguo kuvonikia uturo wa mwingi.
Aria maritie na Kimuri FM maugite niguo mavote kuruta wira waaro mavatii kuthondekerwa stage niundu wanao nimarivaga ugoti ta onjoria a miena iria iingi ya County ya Embu.
David Muchangi, uria ni mutuuri wa mwena ucio augite makoretwe na mathina mengi riria makumiria maketha ma migunda yao kwona ati matikoragwa na gwakwiga indo ciao riria metererete ngaari.
Mwena wa Mbuvori nikuo kurimagwa matunda na mimera mingi ya Mboga ta Cabbage, Sukuma-Wiki, na nyanya na wingi thiini wa County ya Embu.
-Kaari wa Mugendi
