Andu 28 mimatoretue ni murimu wa COVID-19 na gukua guku vururi na gukinyia namba ya andu aria makuete kumana na murimu uyu guku andu ngiri imwe ,magana kenda ma mirongo inana na airi .
Akiaria na andiki aa movoro muthenya wa umunthi munini wa minista wa ugima wa mwiri guku Vururi Dagitari Mercy Mwangangi, niwanaririte aruaru engi ngiri imwe,magana mathatu ma mirongo itano na anna kwonekana na murimu COVID 19 guku Vururi rungu rwa mathaa 24 na gukinyia namba ya andu aria magwatikanite na murimu wa COVID 19 guku Vururi ii andu ngiri igana ria ikumi na anana,magana manana ma mirongo inana na kenda.
Namba ino yonekanite kum akuri ithimi ngiri mugwaja ,magana mugwaja ma mirongo ithatu na ingiri .
Aruaru ngiri imwe,magana mathatu ma umwe maumite guku vururiri nao aruaru ni 53 maumite nthii cia njaa. Aruaru magana mugwaja ma ikumi na kenda ni anduarume nao aruaru 535 ni atumia, uria munini muno ni mwana wa mieri mugwanja nake uria mukuru muno ee na miaka 100.
Kaunti ya nairivi niyo itongoretie na aruaru 717 nayo kaunti ya nakuru iri ya kairi na aruaru 174.
kavindari wa kau aruaru 185 nimavorete , andu 136 mararigitagirwa miciiri nao andu 49 mararigitagirwa thivitari itiganite guku Vururi. Gukinya kavinda gaka andu ngiri mirongo inana na kenda ,magana mathatu ma mirongo inana na anana nimavorete murimu uyu guku vururi .
Mwangangi wauguo niwauria akenya mathii na mbeere kurumirira mitaratara ya kwithema na murimu wa COVID-19.
-Mbica irutitwe Online
