Makiria ya arutwa million 1.2 guku vururiri nimambiririe kigeranio kia kivururi gia kirathi gia kanana, KCPE. Guku kauntiri ya Embu muvango uyu niwambitie wa waro wana thengia ya mbura iria irathii na mbere kura miena ngurani ya vururi.
Akiaria na andiki a movoro munini wa komicona wa Embu North, Jeremiah Tumo augite mivango yonthe igii igeranio cia KCPE na KCSE niithii na mbere wa ta uria ivangitwe. Tumo niaragia vindi ya uvinguri wa igeranio mwena wa Embu North.
Tumo ongererete na kuga mawatho monthe maria mavecanitwe ni ruvonge rwa kithomo na rwa ugima wa mwiri ni makurumiriua na kinyi niguo gutigirira arutwa matiri ugwatiri wa kugwatwa ni virus cia Corona.
Wauguo niugite ugitiri wa mathandaku ma igeranio na thiini wa ituo cia gwikirwa igeranio nimurumbuye uria kuvatii. Arutwa 1820, anake 942 na eritu 878 nio marekarira kigeranio giki gia KCPE thiini wa ituo 56 mwena wa Embu North.
-Mbica irutitwe online
