Ekari a sub-location ya Mbuvori, Embu ya iguru nimauritie thirikari ay County ya Embu kuvetukira MCA wao John Gicovi na uria wicikene muno ta Mwajuma kumathondekera thoko ya kwenderia indo ciao.
Makiaria na Kameme ga Kimuri, maugitematikoretwe na thoko kuuma riria yatharirue mwaka wa 2016 vindi ya wathani wa MCA Antony Njue Mugera.
Maugite wanagukorwa Mugera niweririte ekari aya waki wa thoko ingi njeru na nene, undu uyu ndwanavinga nginyagia umunthi.
Kuringana nao ni ati makoretwe makiririkania MCA Mwajuma ndeto ciigii thoko iyo nwati ndarumbuyagia.
Kameme ga Kimuri nikageretie gucarania na MCA Mwajuma niguo kwaririria uvoro uyu nwati ndanoca thimu ciitu.
Maugite indo iria marimaga ikoretwe ikithukira njirari magitwara thokori cia kuraca.
Ni mwivoko wetu ati ekari a sublocation ino ya Mbuvori makamukira utungata uria wagiririte na gutumirwa thoko niguo matwarithie nambere urimi na wonjoria wao gutari na thina wa wonthe.
-Kaari wa Mugendi
