Ekari a itura ria Rugogwe wardiri ya Mavuria gicigo kia Mbeere ya iveti kauntiri ya Embu nimarateta niundu wa gucuka kwa varavara ya kuuma Kiritiri kuthii Rugogwe, kuria kuragucia vuva uthii wa nambere wa itura riu.
Makiria na kameme ga Kimuri fm ekari ama, maugite nimaratara acara nene thiini wa mbiacara iria mambiriritie na wavo kuuga onjoria engi nimaraithema na kwambiriria mbiacara guku niundu wa ucuku wa varavara ino.
Kavindari wa kau, ekari ama a Rugogwe nimakaite ni cavari ndaca iria magendaga riria maracutha utungata wa urigitani niundu guku gutiri civitari.
Riu nimauritie mutongoria wao MCA John Ngari Mbaka kumathondekere varavara ino na wavo kuuria mathondekerwa civitari ni gukorwa guku kuri na andu engi muno.
Mwenari wake MCA Mbaka niugite maundu mama monthe niuramarumbuiya.
