Vuva wa mawatho na mikana kwongererwa guku vururiri ni Rais Uhuru Kenyatta kiumia kithiru niguo kuvurana na gutamba makiria kwa homa ya Corona, riu mbeu mbithi nimauritwe gwoca mikana iyo na urito.
Akiaria na metha ya spoti ya Kimuri FM, mwenegiti wa kiama kia Football Kenya Federation (FKF) thiini wa Sub-County ya Runyenjes, Mugambi Muriuki na uria wicikene muno ta One Tisa augite kurumirirua na kinyi kwa mikana iyo nwakuo kungivonokia akenya mbatwari cia murimu ucio.
Augite niguo gucokereria mithakori ta mutugo, mbeumbithii mativatii kuvuthia mikana iyo nwati mavatii gutethereria akenya aria engi kumirumiriria na kwigita.
One Tisa auritie imwana kwigitira na kugitira ari mari vakuvi nao na makiria andu aria akuru. Wauguo one tisa auritie imwana kwithema na micemanio ya mung’etho kwona nikuo mangiruta murimu uyu.
Kavindari wa kau, muthaki uyu niuritie mwingi utigakume imwana niundu wa wendo wao wa muvira wa maguru nwati mamatare na mamanyite mbaru.
Miario ya One tisa yukite wariria mbeumbithi makoretwe makiorotwa gukorwa mari muvariri wa mbeere gutambia murimu wa covid-19.
-Kamuthenya Junior
