Kiravu kia Manchester City nikianiririte kurekereria muthaki kuma vururi wa Argentina Sergio Kun Aguero mwico wa kimera giki.
Aguero, uria wina ukuru wa miaka 32,atonyire thiini wa kiravu kia City mwakari wa 2011 kuma kiravu kia Atletico Madrid, avungirite kiravu giki mbao 257 thiini wa mechi 384 iria athakite.
Akaririkanagwa muno niundu wa kwingiria mbao ndagikari cia mwico thiini wa mututano gatagati ka timu ya City na QPR mwakari wa 2012 na kuvotithia timu ino gucinda gikombe kia mbeere thiini wa ligi nene ya ngeretha vuva wa miaka 44.
Atethereretie kiravu giki gucinda ikombe inya cia ligi ya EPL,gikombe kimwe kia FA Cup na ikombe ithano cia League Cup.
Aguero akoretwe akigumirwa ni ngurario cia kavinda gwa kavinda undu utumite akorwe atari gikociri kia kocha Josep “Pep“ Guardiola gwa kavinda karaca.
Iravu ngurani vamwe nacio ii kiravu kia : Barcelona, Paris St-Germain, Juventus na Inter Milan nicionanitie wendi wa kugura muthaki uyu.
Akianirira kuma gwake kiravuri giki ,Aguero ,augite nikuthii na mbere gutumikira kiravu ka Manchester City nginya mwico wa kimera giki na vuvari arevoka kuthii na mbere na kuthaka muvira thiini wa kiravu kiria gikamugura .
Kamuthenya Junior
Mbica Irutitwe Online
