Nyomba mbega ni kiroto kia wa mundu wa wonthe guku vururi na nthii ngima, nwati mbei ya iguru ya indo cia gwaka ukoragwa wii kivinga kinene kwi andu engi.
Riu thirikari niiyuritue kunyivanyivia goti wa indo cia waki niguo kuvotithia akenya kugia nyomba na mbei ya nthi.
Akiaria na Kimuri FM, Jamal Runyenje, uria ni mwenegiti wa cocaiti ya uguri na wendia wa migunda ya Focus Realtors Housing, augite kuvanda kwa indo cia waaki nikuo kuvandithagia utumi wa nyomba undu akenya engi maremagwa ni gukinyaniria.
Wauguo Jamal, augite onjoria aa waki wa nyomba cia mikomboro makoretwe Magitara athara kuma murimu wa COVID 19 wakinya guku vururiri mwaka umwe muthiru kwona andu engi nimavutirwe wira na makithama kuma nyombari iria mekaraga.
Jamal augite thirikari ingerega kuroreria thogora ya indo cia waki, Vururi wavota gwikora ugwatiri wa kuongereka gwa icaki kana slums.
Mwenari wake Jim Njiru, uria ni mwenegiti wa maundu ma uthii wa nambere cocaitiri io, augite kwi na vata wa thirikari gutonyerera gatagati na kumurika company iria itumagira andu manyomba niguo mavote kugitira amember ao matikagwe njarari cia turia nime.
Wauguo Jim nikumitie muvango wa thirikari wa gwaka nyomba cia mbei ya nthi na kuga nyomba ino igatethereria na njira nene kuthiria thiina wa nyomba cia gwikara.
Atongoria aya maritie mari mucemaniori wa wa mwaka wa cocaiti ya Focus Realtors Housing na iria yambiriritie mitaratara ya gwakira amemba ao nyomba cia gwikara na marivi ma nthi.
-Kamuthenya Junior
