Mumbunge wa Kiambaa Paul Koinange akathikwa muthenya wa Jumamosi tariki 3 mweri uyu wa kana mwaka wa 2021.
Thiini wa ndumiriri iria ivecanitwe ni mucii wake, igongona ria mathiko rigakorwa kanithari wa Muthure John, Kiambaa kwambiriria tha ithano cia muthenya na igongona riri ritikathii makiria ma ithaa rimwe.
Vuva wa igongona riri ria kanithari, igongona ria kuthikwa gwake rigetikirua andu a mucii tu varia akathikwa mucii gwake Kiambaa.
Wavo maugite namba ya iti iria igakorwa igongonari riri itikavituka iti 50 niguo kurumirira makinyo maria mavecanitwe ni thirikari ma kurua na covid-19
Niundu wa andu aria makenda kurumirira mathiko mama, mucii uyu ugite niukamamemerekia imwe kwa imwe mitambori ya kiriu ya ukinyaniria niundu wa andu aria matakagia ka kaanya ga gukorwa mathikori.
Mumbunge uyu arakuire niundu wa mathina maria marakuruvanua na covid-19 civitariri ya Nairobi.
Mbica irutitwe Online