Murutwa umwe na uria wendagia ngari cia ciana niuritie thirikari kuthengutia marivi ma goti kuri arutwa aria mari mbiacarari niundu wa kithomo kiao kana kunyivia mbeca ino.
Kelvin Munyao na uria ni muthomi thiini wa University ya Rongo akithomera umemerekia augite mbiacara ya ngari icio niumutethagia kurugamirira marivi mamwe make guku muciari wake akirugamirira maria mengi.
Akiaria na metha ya movoro ya Kimuri FM, Munyao augite tiga ni wendia wa ngari icio Muturire wake cukuru ungirimurito muno kwona ati muciari wake ndangivota kurugamirira marivi monthe.
Kuringana na Rita Njue uria wanagura ngari cia Munyao ni ati mbeu mbithi nimavatii kwiingiria mawirari maria mangimatethia nwati ti gutonyerera ndawari cia ndugugio, undu unyititwe mbaru ni Josphat Gicovi uria utethagiriria Munyao kwendia ngari ciake riria ari cukuru.
Ngari cia Munyao na iria ciendagirwa vakuvi na mbunge ya County ya Embu ciumaga gatagatiri ga ciringi 800 na ciringi 2, 000.
-Muriithi Triple M