Muteteri wa ivoto cia umundu Taratisio Ireri Kawe niwivitite gutongoria ekari a itura ria Kagaari, gicigori mbunge kia Runyenjes kuthitanga kambuni ya utambia wa thitima Kenya Power riria kavinda ka Easter gakathira.
Kawe augite mwingi wa mwena ucio ukoretwe ugitara ngarama guku agikuira ugondereru wa aruti wira a kambuni io ta gitumi kinene kia ngarama icio.
Muteteri uyu wa ivoto cia mwingi augite vanduri va kavinda karaca makoretwe makivura rivoti ya ngarama iria makoretwe makivetukira kuri urugamiriri wa kambuni io nwati matikoragwa magitethua uria mendaga.
Kawe augite angikorwa kambuni ino tiimacokeria thitima ivinda ikuvi, magacukumwa kwandikithia cira igotiri niguo kwona kana nwamatetheke na mambiririe gutara vaita ivenya ria ngarama.
Igeria rietu ria kwaraniria na utongoria wa kambuni ya Kenya Power, Embu niriringite ithiga vuva wao kurega gwoca thimu cietu wanakana gucokia ndumaniriri cietu tugikinyia kavinda ga kwandika rivoti ino.
-Muriithi Triple M
