Aruti wira civitariri ya kimiceni ya Consolata Kyeni nimanyitanirite thiini wa igongona ria mitha makiririkana umwe wa ndagitari ao.
Ndagitari John Mugo uria waciarirwe mwaka wa 1994 akwire kiumia kithiru kuvitukira mutino wa varavara mwena wa Kerugoya thiini wa kaunti ya Kirinyaga.
Thiini wa igongona ria mitha ya kiririkano giake na riria rirekinyitue ni mavatiri atano civitariri io, mwaria vuva wa wingi magwetete ndagitari ucio ta mundu mwinyivia, mwendi andu na mwirutiri thiini wa wira wake.
Vatiri Domenic Mugo, uria urungamiririte civitari io niugwetete ndagitari ucio ta mundu uratongoragia na ngerekano mbaro.
Engi aria matumite ndumiriri cia gucakaya ni vamwe na muthikavu wa Embu Paul Kariuki Njiru na mwenegiti wa Board ya civitari io Sebastian Machamba aria maugite civitari ya Kyeni niyaurirwa ni mundu urari na kio wirari wake.
Ngai ni amuve kivuruko gitathiraga, na utheri wa vingo cionthe umutheragie. Aravuruka wega, nigutwike guo.
-Mbuya wa Ngari
