Aria matumagira varavara ya Kivwe kuthii Kevote gicigo mbunge kia Runyenje kauntiri ya Embu makoretwe magiteta miaka mingi ni kuthuka kwa varavavara ino. Wanagukorwa varavara ino niirarimirwe ekari maugite ndikinyaniritie gikiro kiria marevokaga.
Makiaria na kameme ga Kimuri FM maugite aria marathondekire varavara io mararundire muthetu rutere rwa varavara na marima maria mecurite varavarari ino mariwakuo. Riu ekari, mendekithitie atongoria ao kumathondekera varavara ino waro niguo uthii umavuthire.
Mwenari wake MCA wa Gaturi ya iguru Paul Muchangi niwitikanitie na mateta ati varavara niirimitwe nai. Kunari uguo, MCA uyu niwiririte ekari ati mumbunge wa gicigo kia Runyenjes Erick Muchangi Karemba ari na muvango wa gwikira murram varavara ino na uguo kumauria makorwe na wetereri.
–Wanja wa Njiru
