Muthaki wa kiravu kia Manchester City Kevin De Bruyne niwikirite kirore kandarathi njeru na kiravu kia Manchester City nginya mwakari wa 2025.
Kandarathi ya muthaki uyu raiya wa Belgium, na uria wii na ukuru wa miaka 29 irari ikinye mwico rungu rwa kavinda ka miaka iiri yukite.
De Bruyne atonyire kiravuri giki mwakari wa 2015 kuma kiravuri kia Wolfsburg.
Kuma atonye kiravuri giki kia Citizens De Bruyne atethetie kiravu giki gucinda ligi nene ya ngeretha maita mairi,gikombe kia FA na League Cup maita mana.
Kimerari giki De Bruyne engiritie mbao 8 na gutethereria athaki engi kwingiria mbao 16 (assists) thiini wa mechi 33 iria athakite kimerari giki.
Muthenya wa igoro erengiririe mbao ya mbeere thiini wa mututano gatagati ga timu ya Manchester City na Borussia Dortmund thiini wa raundi ya mbere ya UEFA Champions League quarter finalsvaria timu ya City iraringire Dortmund mbao igiri kwa imwe.
Kamuthenya Junior
Mbica irutitwe online
