Umunthi nthi ngima irakunguira muthenya wa ugima wa mwiri kana World Health day varia ukuanguagirua wa mwaka tariki 7 mweri wa kana. Wa mwaka urongoragiria undu wegii ugima wa mwiri na uria ugumirite andu onthe nthi ngima. Muoroto wa mwaka uyu ni “Building a fairer, healthier world”.
Tariki ino 7 waringi tukunguagira kuthondekwa gwa muugano wa kuramata maundu megii ugima wa mwiri niguo World Health Organization (WHO) varia wathondikirue mwaka wa 1948.
Mwaka uyu, WHO niyonete mavindari mama ma mututhuko wa Covid-19 kwiina andu maturite miturire iina ugima mwega wa mwiri gukira aria engi kuringana na kuria mundu aciariritue,akuririte, aturaga, arutaga wira undumwe na miaka.
Kuuma riria kingoki gia Covid-19 giakinyire guku vururiri mweri wa kathatu mwaka muvituku ; aria mari ruvongeri rwa ugima wa mwiri makoretwe mari ugwatiri munene wa kunyitwa ni murimu uyu .
Winnie,uria ni murigitani gikiro kia nurse niugite ugondereru wa andu kuramata mawatho maria mavecanitue ni thirikari na ruvonge rwa ugima wa mwiri nikuo gucangirite andu kuvatikwa makiria ni murimu uyu wa Covid-19.
Andu nimataritue kunyitanira niguo tuvote gutorania mbarari ino ya Covid-19.
Muugano wa WHO niurauria atongoria onthe gutigirira wa mundu aratura na kurutira wira icigori igatethereria gukorwa maina ugima mwega wa mwiri. Kambeni iria yathundurua muthenya wa umunthi thiini wa World Health Day 2021 web page.
Ririkana ugima wa mwiri niguo utonga uria munene muno, twimenyererie!
Kaari Wa Mugendi
Mbica irutitwe online
