Kaunti ya Narok niiracakaya minister wa varavara kauntiri iyo John Marindany uria ukuire kiroko kia umunthi niundu wa mathina ma murimu wa covid-19.
Marindany nike mutongoria wa mbere kauntiri ino gutorua ni murimu uyu. Kuringana na civu wa Angata Barrikoi nike Joseph Kirui, mutongoria uyu aragire mathina ma kuveva ari gwake mucii gicagi kavinda ka ngunguiro cia gukua na kuriuka kwa Jesu Kristu.
Kunari uguo, mutongoria uyu arari na thina wa kwambatira kwa nthakame na murimu wa cukari.
Vuva wa gwikirwa kirore ari na murimu uyu muthenya wa Jumaine, andu a mucii wake na andu aria maratukanite nake nimaigitwe varaca na andu aria engi.
Ngavana Samuel Tunai niucakaite mutongoria uyu akiuga arari mwirutiri muno wirari wake.
Mbica irutitwe online
