Vorithii kauntiri ya Embu nimanjiriritie uthuthuria niguo kumenya kiumo gia gikuu kia murangiri wa ukuru wa miaka 82 uria ukorirwe akuite Kiroko kia umunthi.
David Mulonzi Mulembe, uria urutaga wira na kampuni ya ugitiri ya Dimospa Security Services mwena wa Embu na ruvonge rwa Department of the Vocational and Technical Training Centre akorirwe akuite varia arutagira wira ni muvici umunthi uria urathiite kumucaria.
Agikira kirore ndeto ino, commander wa vorithi wa Embu ya ithuiro, Nick Kipkorir, augite mwiri wa murangiri uyu ukorirwe kiorori kimwe kiria aragitwite nyomba ya kumama.
Kuringana Lucy Wawira, mutumia wa mutigairi,muvici wa muthuri uyu nike uthire kuroria ithe vuva wa kurega gucoka mucii ta mutugo na nivo akorire ithe amamite na ageria kumukiria ndanaukira na oca ikinyo ria kumenyithia andu aa mucii nao mamenyithinia maavitha a vorithi.
Mwirii wa mutiga iri niutwaritwe nyombari ya kuiga miiri ya Embu Level Five ugieterera gwikirwa uthuthuria muthenya wa ruciu niguo kuthithuria kiumo gia gikuu kia murangiri ucio.
-Kamuthenya Junior
