Guku thogora wa maguta ma ngari ukithii na mbere gukorwa uri iguru mweri wa kairi kirumiriri, atwarithia a viki viki wa undumwe na a ngari kauntiri ya Embu maugite nimathiite nambere kuvutwa na njira nene ni thogora wa maguta.
Ruvonge rwa kuramata mbei wa maguta niruo Energy and petroleum Regulatory Authority rugite mbei ya maguta ma petrol na diesel na maria ma taa ndigucenjia vanduri va mweri umwe muku wanagukorwa mwingi ukoretwe ugiteta ni mbei ya iguru ya maguta mama na iria itumite indo nyiingi ciambatie mbei.
Makiaria na Kimuri FM maugite mwenari wigiie athii, nimonete ugaruruku munene ni kwona matirathie toria mathicaga kavere gukiririkanwa ati thirikari niiriga kuvinga county cia Nairobi, Kiambu, Nakuru, Machakos na Kajiado.
Twa atwarithia a ngari na viki viki mavutitwe ni thogora uyu wa maguta nwati nginya endia a maguta aria maugite wendia wa maguta ma ngari ni ucokete nthi makiria.
Na riu nimauritie thirikari kuthondeka mitaratara iria ingitethia gucokia thogora wa maguta nthi niguo matikathie nambere kuvinyiririka makiria thiini wa wonjoria wao.
Onjoria a ngari cia ukui wa mwingi makoretwe magikanyirirua gukua nuthu ya athii kuringana na unene wa ngari ciao undu maugite uramatiga magitaraga ngarama kumana na kuvanda kwa maguta.
-Mwende Jackie
-Mbica irutitwe online
