Urori wa igeranio cia KSCE utanyitwe kwambiriria ciumia ithatu mbuku. Akiaria muthenya wa umunthi Jumaa tariki 16 mweri wa kana ari mwena wa Naivasha, minister wa kithomo Prof George Magoha augite makinyo monthe ma ugitiri nimeekiritwe mbere ya urori uyu.
Magoha augite arimu onthe aria magakorwa uroriri wa igeranio ino makavewa njanjo ya murimu wa covid-19.
Augite wanathengia wa maavitha amwe a kurungamirira igeranio gwikua ngono niundu wa kuthii mugaru na mawatho ma kurungamirira igeranio, arimu na maavithaa a ugitiri nimathiite nambere gukinyaniria utungata wao na njira iria yagiririkite.
Mwenari wigie uria arutwa aria marikitie kigeranio gia KCSE makathii micii, Prof Magoha augite mivango ya cavari ino niivangitwe niundu wa arutwa aria marathii nja na ndari ya kaunti iria iri muvangori wa lockdown.
Mbica irutitwe online
