Munene wa maavitha a kuvurana na wiki nai DCI guku vururiri George Kinoti niureganite na rivoti ati mavithaa a vorithi makoretwe magikomborithia micinga yao kwi eki nai .
Agicokia rivoti iria iriga kumemerekua gituori kimwe gia TV guku vururiri-rivoti iria yathithuririe maavitha a vorithi makoretwe magikomborithania micinga, nguo cia vorithi na nvingu vamwe na indo ciingi iria ivatie gutumirwa ni maavitha a vorithi, Kinoti augite rivoti ino irari ya kunyararithia na gucambia ruvonge rwa maavitha a vorithi na kuga gituo giki gitiageria gucaria uma wa ndeto ino.
Wavo augite micinga na nguo cia maavitha a vorithi iria irakinyirue gituori gia Kilimani muthenya wa igoro ni amwe a amemerekia aria macavithitie rivoti ino, ti cia mavithaa a vorithi.
–Mbica irutitwe online.
–Wanja wa Njiru
