Ekari a itura ria Gitwe kia Mugaa, Nthambo, wadiri ya Kirimari kauntiri ya Embu nimauritie MCA wa wardi ino, Morris Nyaga kana Collo kumathondekera varavara ya kuma Kibugu nginya Oredrisu kwona varavara ino ivana mugunda.
Wauguo ekari aya maugite varavara ino yathondekirwe makiria ya miaka itano mithiru na riria mbura yaura mivango yonthe ya uthii niithararagua kwona gutiri ngari kana nduthi ivotaga gukinya mwena uyu undu uvutitie mbiashara ciao na njira nene.
Kunari uguo ,mwenari wake MCA wa Kirimari, Morris Nyaga , auritie ekari gukorwa na wetereri kwona mbura yatiga kura nimakuthondekerwa Varavara ino.
Kavinda gaka mbura nene ithiite na mbeere kura ekari makiria kauntiri ya Embu makoretwe magiteta ni kuthuka kwa varavara ngurani undu mauritie atongoria ao kumathondekera varavara ino.
-Kamuthenya Junior
