Rais Uhuru Kenyatta niuthundurite murandi wa kuandandaurua varavara ya Kenol – Sagana – Marua, iria ni varavara ya njira inya iria ni gicunji kia varavara nene ya Trans-Africa.
Minista wa ukui James Macharia niutumire mbica thiini wa mitambo ya ukinyaniria ya kiriu ikionania Rais Uhuru akirugamirira uthunduri wa murandi uyu wa waramia wa varavara ino nene ya kilomita 84 iria augite ikanyivia mucukumano wa ngari.
Macharia augite kwaramia varavara ino gugatethereria wonjoria wa icigo iria iri vakuvi na varavara ino.
Varavara ciingi irathondekwa ni vamwe na iria ya kilomita 45 ya Mau Mau Spur Gatundu North na ingi ya kilomita 30 Gatundu South.
Mirandi ingi ni Ndarugu River-Mangu iria icekine ta varavara ya Bob Harris, Gatukuyu-Mataara, Gatundu-Munyu-ini, Thika-Magumu na secondary highway kuuma Wamwangi kuthii Ichaweri-Mangu.
Mumbunge wa Gatundu North Anne Kibe niwendikithitie uthondeki wa varavara ya Gatukuyu-Makwa-Ngorongo.
Tariki imwe mweri wa kathatu mwakari, ruvonge rwa kuramata uthondeki wa varavara nirweciririe kuthondeke varavara yukiririte tauniri ya Karatina na iria yari itumire bilioni 33.
–Kaari wa Mugendi
–Mbica irutitue online
