Ekari Ndunguni ,wardiri ya Makima gicigo mbunge kia Kia Mbeere South,nimauritie andu aa wendi mwega kumatethia na irio ,nguo vamwe na indo ciingi.Kiriro kia ekari aya giukite vuva wao kwomorerwa nyomba ciao na kwingatwa miciri kwao muthenya wa jumamosi ya taiki 24.
Kurerikana kampuni TARDA irauga migunda iria ekari aya marekaraga ni yao undu ekari aya mareganite naguo kwona makoretwe mekarite migundari ino gwa kavinda karaca.
Onjoria aria marari na nduka thiini wa thoko ino maratara ngarama vuva wa nduka ciao kwomorwa na gutigwa matari na kindu .
Ekari aya aria kavinda gaka maratura thiini wa cukuru mucingi wa Ndunguni na kuria marekara mari makiria ya micii 800 marekara mecuritwe ni guoya wa kutharikirwa ni maavitha a vorithi kavinda wa konthe .
Wauguo ekari aya marauga miturire yao iri ugwatiri kwona ati maratura kundu gutari na gwa kurara na matiri na irio mbiganu cia kuria tondu matietikirua gwoca kindu wa kionthe riria maomoragirwa nyomba ciao na riu mari ugwatiri kunyitwa ni mirimu yakugwatanua na makiria murimu wa corona.
Riu ekari aya maravoya ekari na andu a wendi mwega kumatathereria guku makiriria thirkari kumatethia gucokereria maishari mao wata mutugo.
Kamuthenya Junior
