Ekari a itura ria Kariguri wardiri ya Kiambere gicigo mbunge kia Mbeere ya Iveti kauntiri ya Embu nimakaite ni gutura kwa manji vuva wa gukorwa gutari na thitima vanduri wa kiumia kimwe riu.
Wanagukorwa ekari aya nimacokeretie ngatho MCA wao Lenny Masters niundu wa kumeekirira thitima ya kuvura manji kuma kithimari, maugite ungikorwa uri undu mwaro gwikirirwa thitima cia Solar niguo makoragwe na mwaki wa kuvura manji mavinda monthe.
Aria maritime na Kimuri FM maugite vau kavere maatecaga muthenya mugima meetererete mundu akinyirwe ni ivinda riake ria gutava manji kuma kithimari kiria gikoragwa kivoketwe ni makiria ma micii 400.
Gutura thitima cia kuvura manji gutumite ekari ama mathinike na gutura manji ma gutumira miciiri yao. Arithi a maviu nao macukumagwa kuthii kilometre nyiingi kunyuithia ng’ombe ciao na mburi.
Kavindari wa kau, ekari acio matongoretwe ni Susan Wanjiru Njoka na Julius Mugo, mauritie thirikari kumathondekera ithima ciingi kundu ngurani niguo kumavotithia gukinyira manji nevenya ta uria kungivoteka.
-Mbuya wa Ngari
