Gikaro kia mwanya gia senate gia kwaririria rivoti ya BBI nikirungamitue vuva wa ndumiriri kuvecanwa igii gwikwa ngono gwa senator wa Meru Mithika Linturi.
Rivoti ya gwikua ngono gwake ivecanirwe ni senator Aaron Cheruiyot akiuga niwamukira thimu kuuma kuri Linturi akimwereithia nwaikua ngono ni avithaa kuuma ruvonge rwa uthuthuria wa wiki nai.
Cheruiyot akierethia Linturi aikirwe ngono vuva wake kwamurithua kuuma ngariri yake.
Atongoria engi ari vamwe na masenator James Orengo, Mutula Kilonzo jnr na Susan Kihika wanao nimengirire undu uyu makiuria spika kuumurika noguo arungamia gikaro giki.
Gutimenyekete kana Linturi aikitwe ngono nundu wa murugamo wake rivotiri ya BBI.
Nwati giikaro giki nigicokereretie na kuthii nambere.
Wanja wa Njiru
Mbica irutitue online
