Mithenya minini vuva wa andikia a movoro kunyamarua ni mavitha a vorithi riria mamurikaga womori wa nyomba na nduka mwena wa Ndunguni ,wardiri ya Makima gicigo mbunge kia Mbeere South ,andu matiganite nimeumiritie gukuma giko giki.
Wa kavinda gakuvi ni mwenegiti wa kiama kia onjoria rungu rwa mungano-Kenya National Chamber of Commerce and Industry kauntiri ya Embu ,John Mugo Mati. Mati augite ni kieva kwona andu araia mavetwe wiyathii ni gativa wa kenya kumenyithia mwingi maria marekika makinyamarua .
Matii wauguo nikumite giko kia thirikari gia kwingata andu kuma migundari iraia mekarite gwa kavinda karaca na kuga ,thirikari ingiratumire mitaratara miaro kumaruuta migundari ino.
Matii auritie thirikari gucariria andu aria onthe mengatirwe migundari yao vandu vengi va gwikara ikiririkanwa andu aya mareikirue nja kavinda karia kwina umu wa maisha makiria kavinda karia Vururi ugumiritwe ni murimu wa COVID 19
-Kamuthenya Junior
mbica irutitwe online
