Mutongoria wa vururi Uhuru Kenyatta, niuvecanite ritwa ria njanji wa igoti ria gucokia macira riko ,Martha Koome, kwi mbunge ya kivururi niguo kuthuthurwa.
Koome , avitukua ni mbunge ya kivururi arevokwa gugoca mathaga ma wathani ta njanji munene guku vururiri tariki 25 mweriri wa gatano mwaka uyu.
Akithoma ndumiriri ya rais ,spika wa mbunge ya kivururi ,Justin Muturi, augite kwina vata mbunge kuva mweke Koome kuthuthurua na ivenya tondu ruvonge rwa magoti ni rwa vata guku vururiri.
Kuringana na gativa wa vururi ,Koome ,avatie kuthuthurua rungu rwa mithenya 28 na kamiti iria ikamuthuthuria kuruta rivoti kwi mwingi niguo aria mari na kindu kia kurigiriria Koome kwamurua gukinyia mateta mao.
Kamiti iria ikuthuthuria Koome iratongorua ni mumbunge wa Kangema ,Muturi Kigano.
-Kamuthenya Junior
mbica irutitwe online
