Ndege cionthe cia gukua andu iria igakorwa ikiuma vururiri wa India itigetikirua kwingira guku vururiri vanduri va mithenya 14. Ndeto ino yaniriritue ni minister wa ugima wa mwiri guku vururiri nike Mutahi Kagwe.
Mukana uyu ukambiriria kuruta wira thaa thita cia utuku muthenya wa njumamoci na ukite vuva ya wongerereku wa aria maranyitikana na murimu uyu wa COVID-19 undumwe na gukua vururiri uyu wa Asia ya itherero.
Mutahi Kagwe niuthiite nambere gutariria ati ndege cionthe igaukaga guku vuuriri nwaginyagia aria maukite nacio magekirwa kithimi kia murimu wa COVID-19 naao aria makanyitikana maru naguo magatonyua muvangori wa kwiiga varaca na andu aria engi.
Vururi wa Kenya niurikitie gutinya thiini wa mavururi maria mavecanite mukana wa ndege kuuma na gutonya vururi wa India ii vamwe na mavururi ma UK, France, Canada, Hong Kong, Bangladesh, Oman na Singapore.
Mururumo uyu wakairi wa murimu uyu wa COVID-19 vururiri wa India ucangirite ikuu cua andu matanyivirite 2,000 na kunyita andu ngiri matanyivirite ngiri Magana 300,000 wa muthenya.
Muthenya wa umunthi, vururi uyu wandikithitie arwaru aceru 360,960 na ikuu 3,293 na gukinyia ikuu gukorwa iri 201,187.
-Kaari wa Mugendi
mbica irutitwe online
