Ruvonge rwa ugima wa mwiri nirwaniririte arwaru engi aceru 834 a murimu wa COVID-19 vuva ya ithimi 8,498 gwikwa vanduri va mathaa 24 mavituku.
Namba ya arwaru ikinyite 158,326 na ithimi iria ciekitue kuuma riria murimu uyu wakinyire guku vururiri ni 1,659,506 nakio gicunji kia wongerereku wa arwaru ni 9.8 vari igana.
Kumana na namba ya muthenya wa umunthi, 805 maumite guku vururiri nao 29 maumite nja ya vururi. Anduarume ni 499 atumia mari 335, uria munini muno aina mithenya 14 nake uria mukuru aina miaka 100.
Wauguo minista Mutahi Kagwe, thiini wa ndumiriri yake augite arwaru 579 nimavorete; Gukinyagia riu namba ya arwaru aria mavorete ni 107,882;
Kunari uguo andu engi 23 nimakuite na riu ikuu ikinyite 2,688.
Kaunti iria ciandikithitie arwaru; Nairobi 246, Kericho 98, Trans Nzoia 33, Nandi, Kakamega , Kisumu 30 , Kitui , Uasin Gishu ,28 , Kilifi 25, Nakuru 23, Mombasa , Busia 22 , Kiambu 21, Machakos 19, Baringo 18, Meru , Taita Taveta 16 , Kisii 15, Bomet, Migori Siaya 13 , Garissa, Bungoma ,Kajiado 12, Nyandarua 6, Murang’a , Vihiga 5 , Homa Bay, Turkana, Laikipia, West Pokot, Marsabit na Narok 3, Nyeri 2, Tana River, Elgeyo Marakwet na Embu 1 .
–Kaari wa Mugendi
mbica irutitwe online
