Andu athatu nimakuite kiroko kia umunthi na engi atano gutigwa na ngurario mwena wa Makupa, Mombasa vuva wa ngaari ya ukui wa mwingi gutuva cuma cia kurigiriria ngaari kuma varavarari na gukongana na kirori kiongo gwa kiongo.
Ngaari ino ya andu 14 irathiite Changamwe kuma Makupa riria mutino uyu uumire mathaari ma thaa imwe kiroko.
Agikira ndeto ino mukonde, munene wa maavithaa a traffic gitaruri giki gia gicuari Peter Maina, augite gutinamenyekana kiria gicaangire ngaari ino guta mwerekera.
Aria magurarirue mavirirwe civitari wa Coast General Teaching and Referral nayo miiri ya aria matere mioyo yao ikivirwa mocari ya civitari wa uyu.
Mbica irutitwe online
-Mbuya Ngari-
