Munini wa mwenegiti wa kiama kia Jubilee nike David Murathe riu niugite ati ndanagwatanira mbiacarari cia kambuni cia Kilig na Entec, iria nicio iramurikwa muno na ungumania wa ciringi billion 7.8 cia ruvonge rwa kuramata wendia na uguri wa ndawa KEMSA.
Murathe aaritie uu vuva wa gwikinyia mbere ya kamiti ya mbunge ya kiivururi ya utumiri wa indo cia mwingi umunthi.
Augite ke aauritue gukorwa tu ari umwe wa gwikira kirore niundu wa mbeca kana signatory kuri account ya mbangi ya kambuni ino ya Kilig niketha kambuni ya Entec, iria iravecanaga indo cia kwigita PPEs, ikarivwa KEMSA yarikia muvango uyu wa uguri.
Kunari uguo, Murathe niuritue uria ekirire kirore atakumenya ni mbeca ciigana ciatumikaga varia augite ke ekirire kirore wendia wa indo cia kwigita 50,000 kuma kuri Entec, ivirwe Kilig niguo ikinyue ruvongeri ruru rwa KEMSA.
Wavo Murathe niutonyirie munini wa rais William Ruto mbarari ino, varia augite ati kambuni ya Kilig ni ya andu magwetanitue na Ruto.
Ino yukite wariria Murathe, uria wari director wa Kilig Wilibroad Gachoka na director wa Entec Chen Chao maaregire gwikinyia mbere ya kamiti ino na ithenyari maatuma marua ya kwivita kurega kuungumania na iria igatumika ta uira niyo affidavit.
Mbica irutitwe online
