Gicunji kia arwaru a Covid-19 nikiongererekete muthenya wa umunthi na gukinya gicuji kia 10 vari igana, ino ni kuringana na ruvonge rwa ugima wa mwiri.
Gicunji giki kiina arwaru magana manna ma mirongo kenda na atano aria monekanite na murimu uyu wa Covid-19 muthenya wa umunthi varia riu namba ya arwaru ikinyite ngiri igana ria mirongo itano na anana ,magana manana ma mirongo iiri na umwe .
Kuringana na maavithaa, aria mari ruvongeri rwa ugima wa mwiri mekite ithimi millioni imwe, ngiri magana matandatu ma mirongo itandatu na inya,magana manna ma mirongo ithatu na ithano cia COVID-19 kuuma riria murimu uyu wakinyire guku vururiri.
Kaunti iria ciandikithitie arwaru ; Embu ni ya kana umunthi iina 36, Nairobi 92, Mombasa 50, Kericho 42, Uasin Gishu 22, Kisi 20, Bungoma 18, kaunti cia Kisumu na Nakuru arwaru 17 wa kaunti, Nyeri 16, Busia 15, Kilifi 13, Garissa 12, Siaya 11, Kitul, kaunti cia Meru na Murang’a arwaru 10 wa kaunti, kaunti cia Kirinyaga na Trans Nzoia arwaru 9 wa kaunti, Nandi na Kiambu arwaru 7 wa kaunti, Makueni na Nyandarua arwaru 6 wa kaunti, Bomet 5, Kajiado, Nyamira na Taita Taveta arwaru 4 wa kaunti, Laikipia, Turkana, Machakos na Migori arwaru 3 wa kaunti , Elgeyo Marakwet, Samburu na Homa Bay arwaru airi wa kaunti, nacio kaunti cia Kakamega, Kwale, Narok, Vihiga na West Pokot ikiandikithia murwaru umwe wa kaunti.
Namba ya aria mavorete ikinyite ngiri igana ria inyanya ,igana rimwe ria mirongo iiri na anna varia arwaru 242 mavorete vanduri va mathaa 24 mavituku. 191 marari muvangori wa kurorererua miciiri yaao naao 51 marari mathivitariri matiganite guku maavithaa a ugima wa mwiri makiuga aria mekarite makiria ma ciumia igiri na murimu uyu nimavorete.
Kavindari wakau andu 19 nimatoretue ni murimu na gukua varia 13 kuratuika makuire mithenya itiganite mweri muvituku naao 6 ni rivoti cia ikuu iria icereretue.
Kuringana na record cia ruvonge rwa ugima wa mwiri andu aria makuite makinyite ngiri igiri,magana mugwanja ma mugwanja .
Kaari wa Mugendi
Mbica irutitue online
