Mutongoria wa vururiri Uhuru Kenyatta niuthurite Mary Chao Mwadime gukorwa ari mwenegiti wa board ya kuramata uguri na wendia wa ndawa niyo Kenya Medical Supplies Authority [KEMSA].
Mwandime niakorwa agioca giturwa kiria giekariritwe ni James Kembi Gitura vuva wake kuvirwa ruvongeri rwa umemerekia na ukinyaniria niruo Communication Regulatory Authority mweri muthiru.
Kuringana na kimenyithia kia ngathiti tariki 28 mweri uyu, gwikarira giturwa giki gukambiriria tariki 30 mweri uyu varia agaatungata vari kavinda ka miaka ithatu.
Engi marathurirwe ni minista wa ruvonge rwa ugima wa mwiri Mutahi Kagwe ruvongeri rwa KEMSA ni capt. [Rtd] Lawrence Wahome, Robert Nyarango, Terry Kiunge Ramadhani wanamo magaatungata va kavinda ka miaka ithatu.
Ruvonge rwa Kemsa rukoretwe rukigumirwa ni ungumania varia uthuthuria wonanitie mbeca billioni 7.8 cia murimu wa covid 19 ni ciaungumanirwe.
-Mwende Jackie
-Mbica irutitwe online
