Maavithaa a vorithi kuma Meru nimaracarania na mundumurume uria urauragire mutumia wake. Mundumurume uyu na uria uramenyekana ta Denis, erikite kuuraga mutumia wake Nkamba uria ni raiya wa Tanzania, kuvitukira gutonyia mwiko mumerori wake.
Ngero ino yekikire utuku wa Jumatano varia eekirire rwimbo na mugambo munene niguo andu matikegue.
Agikira mukonde ndeto ino, komanda wa vorithi wa kaunti nini ya Imenti ya iguru nike Laban Omol, augite Denis niutorokete vuva wa ngero ino.
Ekari na maavithaa a vorithi nimarageririe kuruta mwiko uyu mumerori wa mutumia uyu wa ciana igiri nwati maremwa.
Airi ama makoretwe magiturania vandu va miaka ina thiini wa nyomba iria marakomborete mwena wa Bosnia, Gitimbine tauniri ya Meru.
Mbica irutitwe online
-Mbuya Ngari-
