Minista wa ugitiri wa ndari ya vururi Fred Matiang’i niwaniririte maavitha a vorithi, matigakoragwa magitikirua kuvikia kana kuvikira maavitha aria mararutithania wira nao .
Matiang’i augite watho uyu nugukorwa ukirorua ta umwe wa moogaruruku maria mararetwa ruvongeri rwa vorithi.
Matiang’i aritie vindi iria akuthunduraga mathomo ma mavithaa a gikiro gia Cadet thiini wa cukuru wa Kenya police training college Kiganjo, Nyeri county.
Mawatho mama maceru marevokwa kwambiria kuruta wira mweri wa mugwanja mwakari uyu niguo kuvurana na mitugo ya ura nthoni na ntharikiro iria ikoretwe iri kuo .
Kamiti ya mwanya niithodeketwe niguo yandike mawatho mama ,maria magucoka kuvecanwa kuri National Security Council.
Wanja wa Njiru
Mbica irutitwe online
