Umunthi ni muthenya wa gukunguira uruti wira kana Labour day na ngunguiro ino ciekikire kuria State House gardens igitongorua ni rais Uhuru Kenyatta.
Akiariria mwingi uria urekinyitie mamburari mama na uria ukurumagiriria ngunguiro ino na njira ngurani, Rais Uhuru niuvingurite kaunti cia Nairobi, Nakuru, Kiambu, Machakos na Kajiado iria ciari muvangori wa Lockdown. Rais Uhuru niwathanite watho wa mwiyugo kuambiriria thaa inya nginyagia thaa ikumi cia kiroko kauntiri ino.
Wauguo nimavatii kurumiriria mawatho maria mavecanitue niundu wa andu aria metikiritue makanithari na gutigirira kuria kwavoteka magongona mama nimekirua vandu nja.
Mwenari wigii mathomo; cukuru ikarumiriria muvango uria wavecanitue ni ruvonge rwa kithomo guku mithako igitikirua gucokereria nwati ministry cia mithako na ugima wa mwiri ivecane mawatho maria mavatii kuramatwa.
Iravu cionthe ivatii kuvingua thaa imwe cia kivwai na mathivitari makiathwa gwitikiria mundu umwe kuona murwaru vari muthenya. Micemanio ya giuteti ikathii nambere kuvingwa nginyagia kavinda karia gakanirirua.
Wanja wa Njiru
Mbica irutitue online
