Thirikari nikanjite kambi ya gwika mazoezi kuri timu ya atumia muthakori wa Volleyball niyo Malkia Strikers na aria maratanyitue gukorwa makithii Sao Paulo, vururiri wa Brazil.
Ministry ya ugima wa mwiri ivecanite watho uyu kurumirira wongerereku wa arwaru a murimu wa Covid-19 vururiri wa Brazil varia timu ino iravatie kuthii wikendi ino na gwikara mithenya 45 magikaga mazoezi.
Thiini wa marua yake avithaa munene gwa kavinda ruvongeri rwa ugima wa mwiri ndagitari Patrick Amoth, niuritie mwandiki munene wa kiama kia muthako wa Volleyball Ben Juma, gukanja thavari ino nginyagia maundu magire vururiri ucio.
Undu uyu ukite wariria Rais Uhuru Kenyatta auritie minister wa ugima wa mwiri Mutahi Kagwe na uria wa mithako Amina Mohammed kuvecana mitaratara mikinyaniru niguo athaki mavote kwigita na murimu uyu wa Covid-19 varia etikirie mithako gucokereria umunthi.
Kamuthenya Junior
Mbica irutitue online
