Akenya aria matakandikithagia ndumiri yao ya mbeca iri magwataga niyo tax returns ikiuga ikinye tariki 30 mweri wa gatandatu makaurwa ni pin ciao cia KRA.
Kuvitukira ndumiriri iria ivecanitwe kuma ruvongeri rwa wongania goti yugite aria matandikithitie rivoti ino ,na mativecanite gitumi gia kuremwa gwika guo matikavota gutumira pin ciao mithenya 30 yavituka.
Kuvitukira mutambo wao wa ukinyaria wa kiriu, KRA maugite pin ngiri 62 ,727 nicio igutiga gutumika vari mweri umwe muku.
Pin, iria igukoorwa itagutumika imwe iri cia macukuru,makampuni ,na ikundi itiganite.
Riu KRA, mauritie arivi goti aria mari na thiiri matarivite kuriva na gwoca mweke uria uvecanitwe kuvitukira muvango wa Voluntary Tax Disclosure .
Wanja wa Njiru
Mbica irutitwe online
