Rais wa Tanzania Samia Suluhu Hassan, niukinyite guku vururiri kiroko kia umunthi thiini wa icera riake ria mithenya iri guku vururiri.
Raisi Samia Suluhu ,marevokwa gukorwa na gikaro na mutongoria wa Vururi Uhuru Kenyatta thiini wa thingira wa iregi mwena wa Nairobi na vuvari kwariria andiki aa movoro.
Thiini wa Icera riri ,Rais Uhuru vamwe, rais Suluhu ,marevokwa kwariria maundo matiganite vamwe namo ii gwataniro gatagati ka mavururi mama mairi vamwe na wonjoria gatagati ka mavururi mama .
Muthenya wa rucio rais Suluhu, arevokwa gukorwa na gikaro na mbunge cionthe igiri cia kivururi na wauguo niurevoka kwaraniria na atumia aria ni onjoria muciii munene wa Kenya Nairobi.
Rais Suluhu anyitirwe ugeni kivarori kia ndege kia Jomo Kenyatta atongoria matiganite vamwe nao ii minister wa maundu ma nja ya vururi,Raychelle Omamo na minister wa mithako Amina Mohamed.
Icera ria Samia riukite ciumia nini vuva wa rais Uhuru Kenyatta kumunyita ugeni guku vururiri kuvitukira ndumiriri iria yakinyirue ni minister wa mithako amina Mohamed.Icera ria mwico ria rais wa Tanzania uria wiriga gucera guku vururiri ni riria ria mutigairi John Pombe Magufuli mwakari wa 2016.
-Kamuthenya Junior
mbica irutitwe online
