Ruvonge rwa ugima wa mwiri nirwaniririte arwaru aceru 489 a murimu wa COVID-19 kuuma kuri ithimi 4,426 vanduri va mathaa 24 mavituku. Namba ya aria manyitikanite na murimu wa Covid-19 igikinya 161,393, nakio gicunji kia arwaru kiri 11 vari igana.
Kumana na namba ino, 449 ni raiya a Kenya nao 40 maumite nja ya vururi. 266 ni anduarume naao 223 ni atumia. Uria munini aina mieri iina na uria mukuru aina miaka 102.
Kaunti iria ciandikithitie arwaru ni; Nairobi 130, Siaya 39, Nandi 37, Embu 35, Kisumu 33, Migori 33, Kakamega 24, Garissa 22, Kilifi 16, Bungoma 14, Kiambu 13, Nakuru 9, Machakos 9, Meru 9, Turkana 8, Kitui 7, Samburu 6, Makueni 6, Isiolo 5, Kajiado 4, Mombasa 4, Murang’a, Nyandarua, Nyeri and Vihiga 3 , Kirinyaga, Marsabit, Homa Bay , West Pokot 2 , Bomet, Busia, Kericho, Kisii, Laikipia Wajir 1 .
Mutethereria wa minister wa ugima wa mwiri gwa kavinda ndagitari Rashid Aman, akiaria na andiki a movoro augite arwaru 552 nimavorete varia 303 marekereretue kuuma mathivitariri matiganite naao 249 mararoragirua kuuma micii.
Andu ngiri 109,769 niyo mavorete: 79,774 maumite muvangori wa kumenyererua maei micii naao 29,995 makirekererua kuuma mathivitariri matiganite.
Kavindari wakau andu 20 nimakuite na gukinyia ikuu gukorwa iri 2,825.
mbica irutitwe online
