Muthemba muceru wa murimu wa COVID-19 uria wii vururiri wa India niunyitikanite guku vururiri, ino ni kuringana na ruvonge rwa ugima wa mwiri.
Murugamiriri munene ruvongeri rwa ugima wa mwiri gwa kavinda ndagitari Patrick Amoth, nike waniririte ndeto ino vindi ya kumenyithania ndeto cigii murimu uyu wa Covid-19 varia augite andu atano nimonekanite na muthemba uyu muceru wa Covid-19 kigandari kia kuthondeka fertilizer mwena wa Kisumu.
Ndagitari Amoth uria nwake munini wa rais wa board nene ya ugima wa mwiri nthi ngima muvango wa gucarania na aria mavutanitie na andu aya niurathii nambere.
Vururi wa Kenya niguo wakairi gitaruri kia Africa ya Irathiro kuandikithia muthemba uyu muceru wa COVID-19 na uria wii vururiri wa India. Ino ni vuva ya vururi wa Uganda kuandikithia murwaru wambere mweri muvituku na uria waumite vururiri ucio wa India.
Tariki 28 mweri muvituku, minista wa ugima wa mwiri Mutahi Kagwe, niwanirire gukanjwa gwa thavari cionthe cia ndege kuuma India vanduri va mithenya 14.
Mukana uyu waumaniire na wongerereku wa namba ya arwaru a murimu wa Covid-19 vururiri ucio wa South Asia.
Wauguo niwanirire muvango wa kuthimwa gwa andu onthe maukaga guku vururiri na gutonya muvangori wa kwiga varaca na andu aria engi kuri aria makanyitikana na murimu uyu wa Covid-19.
Kaari wa Mugendi
Mbica irutitue online
